منتدى الأبداع للتصميم والاشهار
اهلا وسهلا بكم في منتدى الابداع للتصميم والاشهار منتدى متخصص في التصميم واشهار المواقع

منتدى الأبداع للتصميم والاشهار

منتدى ابداع لتصميم المواقع والمنتديات والاشهار
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 نصيحة لكل أخ هالله هالله بأختك ...!!

اذهب الى الأسفل 
كاتب الموضوعرسالة
رحمة
مبدع جديد
مبدع جديد


انثى
عدد مشــــــاركـــــــاتي : 12
نقاط النشاط الإشهاري : 36
السٌّمعَة : 10

مُساهمةموضوع: نصيحة لكل أخ هالله هالله بأختك ...!!   26/4/2012, 15:36

أخواني الغاليين //كوني انا بنت,وأخت, ولدّي أخوان الله يخليهم ويحفظهم



هذي مجرّد نصيحه مني ولا أريد سوى الأجر من الله
أنا اعلم أن جميعكم فيكم الخير ولكن للتذكير فقط/
فالمنتدى لم يُصنع ولم يُنشاء إلا لتبادل الارآء والأفكار وتقديم كل ماهو مفيد و هادف

وعلى ماقالوا أجدادنا من اول النصيحه كانوا يشترونها بجمل
لكن الآن في كل مكان ولا أحد يهتم لها..!!
نصيحتي لكم يامعشرالأخوان...!!!
اقدّمها لك سواء متزوج كنت أم شاب
رآح اتكلم بكل بساطه وسلاسه
أنا ماأقول هالحكي لأني أبي أغيّر شي في الواقع,
أو أني أفرض شروط لازم تتبعونها لاوالله لكن أنا اتكلّم من واقع عشته وعايشته
وشفت منه المشاكل والهموم الكثير أتمنى أن نصيحتي هذي توصل لأكبر عدد من الناس وعلى ماقيل

((الكلام الخارج من القلب يصل الى القلب))

اخوي الغالي:هالله هالله بأختك ياعزيزي
الأخت صدقني ماتتعوض بشي ثاني فيه أشخاص وآجد مانقدر نعوضهم بغيرهم
لكن انا أخصّص كلامي للأخت بالذات لأن في الوقت الحالي ماأحد صار يُعيرها أي إهتمام "إلا من رحم الله"
وصارت الاخت أشبه بالخادمه في المنزل تخدم هذا وهذاك وتشيل هم هذا وتحل مشكله هذاك
ونسى أغلب الأخوان أن هذي الأخت المسكينه لها حق عليك أنت ياالأخ..!

صدّقني ياأخي الغالي: البنت بشكل عام وش تبي من أخوها غيرالأهتمام والحب والسؤال عنها دائماً
وتكره التجاهل والتهميش وانها تكون شخص غيرمرغوب به في المجتمع لأنها تنظرلأخوها
بأنه ذخر وسند وأنه يحميها من شرورالناس والمشاكل لكن إذا كان فيه جفاء وفجوه بين الأخ وأخته/هنا يبدى الأنحراف
وياما سمعنا وقرينا قصص عن بنات انحرفوا وهم سمعتهم طيبه وصاروايكلمون شباب والسبب,,
هو الإهمال من الأخوان الفتاه من طبعها عندها عاطفه لاتكتفي ولاتشبع من الحب ولاتصل الى حد معين من الاكتفاء
فهي خلقها الله ذات عاطفه جيّاشه ولاتقول أستحي أومايصير أني أقول لأختي كلام حلو مثل ياقلبي ياحياتي ....الخ

ليش بالعكس سمّعها هذا الكلام لأن بالنهايه إذا فقدته وماسمعته منك راح تبحث عنه بأي طريقه وتسمعه من غيرك
أبيك تجلس مع روحك,, وتصارح نفسك,, وتراجع حساباتك,, وأسال نفسك,,

أنا متى آخرمرّه جلست مع أختي؟
متى آخر مرّه سألتها إحتاجت شي ولا لا؟
متى ومتى؟....الخ

يعني ياأخوي: قلّي الأخت المسكينه هذي وش تبيها تسوي إذافقدت حنانك
تبيها تنحرف ؟! تكلم شباب؟! تواعد والعياذبالله؟!

لا ياأخي الغالي:
أكيد ما ترضى على درّتك المصونه أنها توصل لهذا الحال
ولهذا المستوى والله العظيم أني أعرف وحده من صديقاتي أيام الثانويه تقول أنا أخاف من أخوي.!

سألتها وش السبب؟
تقول لأنه مايعطيني وجه ومايجلس معي ودايم ساكت ولايعبّرني وإذا ناداني أحس بخوف شي طبيعي
رآح تحس بخوف وقلق لأنه هو الّلي خلق هذا الفراغ والجفوه بينهم صدقني الفراغ العاطفي
من أصعب مايكون وهذا أنا شفته في ملامح كثيييييييير من بنات سنّي

أخي الغالي: من حق أختك أنها تنعم بدلعك لها وبإهتمامك وحرصك عليها البنت
أوبالأصح الأخت مثل/ الشجره كل ماتهتم فيها وتسقيها من حنان الأخوّه راح تكبر وتثمر
لكن مع الأهمال بتذبل وتموت وممكن أنها تذبل لآخر العمر وتفقدرونقها وخضرتها وجمالها

وأنت فاهم قصدي من الناحيه هذي.!!
وترى اللي مايخافون الله ياكثرهم بهالمجتمع الّلي همّهم بس كشف أعراض الناس والتشهير فيهم
{كفيناهم السميع العليم}

يعني وين المشكله؟ لو جيت نهايه الأسبوع وقلت لأختك تجهزي يافلانه انا بمشيك,
أو بعزمك على عشا,ولابشتريلك الّلي تبين, لأني استلمت راتبي
وحاب أهديك شي وترى الرجل ماخُلق فقط لزوجته وعياله
مثل مازوجتك لها حقوق عليك أختك كذلك لها

مافيها شي لوأنت وزوجتك بتسافرون للشرقيّه أو مكّه أو أي مكان ثاني وقلت ياأختي تعالي معنا
ترى الشي هذا يسعدها كثير ويريّحها وتحس فعلاً أنهامهمّه بالنسبه لك
وأنا أحب أنوّه لنقطه مهمّه// في هذا الموضوع كثير
من الأخوان الله يهديهم تلقاه كل همّه زوجته وعياله وأصحابه.!
يعني إذا راح للسوق يشتري بس لأهله وإذا راح لمطعم
يجيب عشا لزوجته وعياله طيّب وأختك؟

ريحه الأكل تصك رآسها! صعبه أنك ماتقولّها شاركينا حتى لو بالمزح !ترى ياأخي الفاضل:

الزوجه فيه بدالها أربع زوجات والأولآد بدالهم خمسين ولد!
لكن الأخت مافيه بدالها وأحيان فيه بعض الرجال الله يصلحهم تلقاه يتمشى ويطلع ومايخلّي مكان
وأخته جالسه في البيت كأنها مسجونه ولمايرجع رحت,, وجيت,, وتمشيت,, وفلّيتها,!
وربّي حرام كذا مثل ماأنت عندك أحاسيس ومشاعر برضو هي عندها مشاعر وتحس وخصوصا إذا كانت بسن زواج وتاخرت ماتزوجت ياأخي راعها شوي.!
وأصبرعليها إذا أنت تحس أنها عاله عليك أو همّ على قلبك!!

صدّقني بكره بيجي نصيبها وبتنشغل في حياتها وبتبعد عنك وراح تحن لها وبتندم لأنك زعلتها في يوم أو جرحتها
وعلى فكره
ترى أغلب البنات ليش يبغون يتزوجون؟؟
لأنهم مالقوا إهتمام في البيت وأنتماء عاطفي سواء من الأم او الأب او الأخ
فأنت خلّك مثل الصديق لها إذا نقص عليها شي أنت تقدر تكمّله
وش أحسن من دعوه منها بالتوفيق

(والله شي قمّه في الراحه والسعاده لما تسدي لها خدمه
وتسمعها تقول الله لايحرمني منك ياأحلى أخو بالدنيا
بجد شعور أُخَوُيَ عظيم محد يقدر يوصفه)

أخواني: بختم نصيحتي بهذاالمثل.

" الّلي مافيه خير لأهله مافيه خير للناس"
وهذي بالأخير أختك من دمك ولحمك

...))أسعدها الله يسعدك((...



منقول لروعته وللفائدة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصمم مبدع
مبدع الشركة
avatar

ذكر
عدد مشــــــاركـــــــاتي : 320
نقاط النشاط الإشهاري : 737
السٌّمعَة : 0

مُساهمةموضوع: رد: نصيحة لكل أخ هالله هالله بأختك ...!!   26/4/2012, 15:42

جــــــــــــــــــــــــــ روووووووووووووووووووووووووعةـــــــــــــــــــــــــــــــــــــــــــــميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فراشة الربيع
المديرة العامة
المديرة العامة
avatar

انثى
عدد مشــــــاركـــــــاتي : 120
نقاط النشاط الإشهاري : 118
السٌّمعَة : 10

مُساهمةموضوع: رد: نصيحة لكل أخ هالله هالله بأختك ...!!   27/4/2012, 14:48

يشرفني ان اول من يرد على موضوك الرائع

يعطيك الف الف

الـــــ عافيه ـــــــف


اتمنا لكي التوفيق

في الدنيا وفي

الاخره تقبلي

ودي ومحبتي

ومروري الراقي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصيحة لكل أخ هالله هالله بأختك ...!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الأبداع للتصميم والاشهار :: منتديات الأسرة المسلمة :: عالم آدم-
انتقل الى: